Ribeira, 1982.

Toda a súa familia traballou e viviu do mar. Dende os seus avós que traballaron na pesca de baixura pero que tamén sucaron os mares máis afastados na procura dunha boa marea, ata a súa avoa que vendía o marisco vivo no Mercado de Abastos de Santiago de Compostela.

Escapando da dureza do mar, pero téndoo sempre no seu horizonte, estudou Administración de Empresas coa especialidade de Marketing, e traballou en Reino Unido, Panamá, República Checa e Portugal. As súas lembranzas de nenez foron as que conseguiron prender Bluscus – Turismo Mariñeiro, iniciativa mariñeira dende hai case 10 anos, que amosa e achega aos visitantes ao mundo do mar a través dos profesionais do mar, dando así a coñecer de primeira man a orixe do produto galego. “Para protexer e respectar o patrimonio marítimo galego, temos que amosalo para que a xente o coñeza. É a única forma”.